平時我哋都要整個靚頭先出門，何況係毛髮多過我哋咁多嘅狗狗呢？
同埋其實認真幫狗狗梳理好毛髮，會令佢哋皮膚更健康，減少由皮毛引伸嘅疾病。
立即睇下4個幫狗狗梳毛嘅貼士
準備好合適用具
幫狗狗梳毛時，建議一定要用狗狗專用嘅梳理器具呀！因為狗狗嘅毛髮比人濃密好多，如果用梳幫佢哋梳毛，唔單止梳得唔順，仲可能會引起靜電，整親狗狗就唔好啦！
由上至下、前到後梳毛髮
吓？原來梳毛都好講究？幫狗狗梳毛嘅時候，應該順住毛髮生長嘅順序梳理，由頸開始，由前往後、由上至下順序梳毛。按身體部位嚟講係由頸開始，再到肩膀，之後係背部、胸部、腰部、腹部、屁股，再梳番上頭部，最後係四肢與尾巴。
動作應該溫柔而非硬扯
幫狗狗梳毛時，一定要有耐性、溫柔咁對待狗狗。等佢哋覺得梳毛其實係遊戲嚟。相反太過用力嘅話，拉扯狗狗毛髮會令佢哋皮膚紅腫或者潰爛。只要主人用心幫佢梳毛，毛孩一定會知道，更加愛主人！
仔細觀察皮膚
主人應該要喺梳毛過程中留意下狗狗身上有冇外傷、皮膚有冇蝨、跳蚤等外寄生蟲問題。如果有發現都可以令狗狗得到最佳治療時間。另外，如果發現有結痂、斑禿、化膿等症狀就要避開梳理同埋立即睇醫生！
梳的類型
了解梳毛步驟後，就輪到梳既用途啦！
針梳
如果寵物毛髮類型是毛髮長、蓬鬆、彎曲，針梳會係合適既梳子。可以令寵物毛髮更加蓬鬆、輕盈。
針梳針齒比較短，所以毛髮根部有機會梳唔到。使用針梳的時候，可以將毛髮分層梳理，慢慢梳出鬆散通透效果。輕輕力向逆毛方向梳，仲可以令到毛髮超級蓬鬆。
以下有3種不同大細既針梳，絕對可以滿足任何寵物！
